بملعقة واحدة.. 6 فوائد للعسل تحدث في جسمك لن تصدقيها.. ما هي؟
امرأة في حيرة: «زوجي يخونني مع أرملة صاحبه».. ماذا أفعل؟
الثلاثاء 24/سبتمبر/2024 - 11:31 ص
أيه عدلى
أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. ش" عمرى32 سنة".
وأضافت فى رسالتها : أنا متجوزة وعندي 3 أطفال ، جوزي كان ليه صديق عزيز عليه جدا وعشرة عمره وتوفى من 3شهور ، وساب طفلين صغيرين .
وجوزي من بعد الوفاة وهو على صلة بأرملة صاحبة وأهلها ، علشان موضوع ميراث ولاده وحقهم .
وتابعت : بس انا اللي لاحظته ان كل كلامه بقى مع أرملة صاحبه مش مع باباها واخواتها، في الأول قولت ده أكيد علشان هي أدرى بمصلحة ولادها واملاك جوزها وكده .
بس الكلام بينهم زاد جدا وخرج برا نطاق الورث والحق ، يعني بقت مكالمات قرب الفجر كتير وبصوت واطي ومحادثاتهم علي الماسينجر بقى فيها قلوب حمرا رايحة جاية ، وأسلوب فيه دلع من الطرفين ، وبقى يناديها بكلام وألفاظ ما كانش بيحصل لما كان جوزها عايش .
وأضافت : وانا لما سألته طبعا ثار في وشي وقالي إنتي بتقولي إيه دي مرات صاحب عمري ، وانتي مجنونة وتفسيراتك غلط لأنه كلام عادي ، و ما ينفعش أصلا يكون فيها بينا مجرد تفكير في حاجة ، وإنه واقف جنبها علشان حق عيالها ، وانا اقتنعت بأن تفسيري هو الغلط وسكت .
وواصلت السيدة مشكلتها : بس اللي حصل إني لقيتها (ممسوحة كلها ) من أولها لاخرها ماعدا آخر رساله رد منها عليها وفيها علامةlike ، ماكانتش لسه اتفتحت ، وده اللي عرفني إنه بيمسح أول بأول .
وإختتمت قائلة : أنا سؤالي ..هل فعلا مفيش حاجة بينهم .. وان ده خيالي المريض إللي بيفسر غلط ؟ هيمسح الرسايل أول بأول ليه ؟
وانا أعمل إيه ؟
وجاءت بعض التعليقات على هذه المشكلة كالآتى:
ابواوس الجبوري
إذا قصدو يكفل أرمله خليه يتقدم رسمي وانتو الاثنين مأجورين ان شاء الله ، ساهمتم في كفاله امرأه وأيتام جزاكم الله خير الجزاء ، اما اذا العلاقه لم يكن هدفها الزواج فعليك ببترها.
ابو نسيبة
انتى صح وزوجك ناوي يكمل المسيرة بتاعت صاحبة
الله يرحمه.
Reham Mohamed
احساسك صح
عادي جدا كلمي ابوها واخوها وعرفيهم شكوكك وباذن الله يقدروا عليها.
احساسك صح
عادي جدا كلمي ابوها واخوها وعرفيهم شكوكك وباذن الله يقدروا عليها.
اقرأ أيضا..
