أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. م" عمرى39 سنة".

وأضافت فى رسالتها : اتجوزت واحد حنين وطيب وكل الصفات الحلوة فيه ،  لكن للأسف عديم الشخصية اتجوزته وهو مكنش معاه جنية وقفت جنبه كتير واتنازلت عن حقوق كتير ليا ، اتقفل علينا باب كنت بشتغل وبصرف علي البيت ، لأنه كان بيشتغل باليومية ومكنش بيكفي اي حاجه وسط الغلاء ده، مفيش موسم جيه الا وجبت كل شئ ودائما اقول جوزي جبلي.

 كان دايما بيشتكي من أهله أن محدش بيقف جنبه ، وأن أنا بس اللي أهله وسانده .

وتابعت : وخلفت منه عيلين أهله عمرهم ما ساعدوه بحاجه ، وكانوا عارفين أن أنا اللي بصرف وعادي بالنسبة ليهم.

وواصلت السيدة مشكلتها : ربنا رزق جوزي بشغل وفلوس كويسه ، وفجاه إتحول لواحد تاني واده الفلوس لمامته ، وقالتلو أن أنا اصرف على بيتي وفلوسه تفضل معاها ، عشان مراتك هتضحك عليك، وانا أول ما عرفت سيبت البيت وعاوزة أطلق مدام صرف بصرف ، اشتغل واعيش بعيالي ولا اني اعيش مع شخص باعني اول ما أصبح معاه فلوس.

 وإختتمت قائلة : بس انا بفكر فى عيالي خايفة أكون ظلمتهم، ممكن تقولولى القرار صح ولا غلط ولا في حل تاني أقدر أعملو.

Mustafa Mohammad


لا ما تسيبيش البيت وما تطلقيش بس هتغيري شويه حاجات في المعامله مع جوزك وساعتها هيمشي زي الالف معاكي.

كنتي قعدتي وخليتي مرتبك ليكي وخليه هوا يصرف ويعيش في نفس المستوي اللي انتي كنتي بتعمليه.

Ahmed Nasr

اكبر غلط انك تسيبي بيتك . دا بيتك وبيت ولادك اقعدي علي قلبه وغيري شخصيتك معاه يعني متصرفيش جنيه من معاكي وهو متكفل ببيته.