زوجة تطلب الخلع ونفقة للأولاد لأسباب صادمة
زوجة أمام محكمة الأسرة: «عايز يطلقني ويرجع يتجوزني عرفي»
الخميس 19/سبتمبر/2024 - 12:52 م
سارة شعبان
أقامت ربة منزل دعوي خلع داخل محكمة الأسرة بعد أن طلب زوجها الطلاق رسميا بسب معاش والدها، حيث رفضته الزوجة جملة وتفصيلا وطالبت بالتفرقة بينها وبينه لاستحالة العشرة معه.
وسردت الزوجة قصة زواجهما، قائلة :" أنا حبيت جوزي من 3 سنين وبعدها جه اتقدملي وكنت مبسوطة جدا، بس أنا النهارده أتعس ست بعد اللي سمعته من زوجي اللي وعدني وعود منفذش منها ولا حاجة، وكان أهمها أنه يخليني مبسوطة".
وتابعت الزوجة، أنا مستحملة أنا وبنتي وعمري ما اشتكيت وفجأة لقيته بيقولي حبيبتي ممكن أطلب منك طلب، قلت له اتفضل لقيته بيقولي إيه رأيك نعمل حاجة علشان ناخد معاش والدك؟ فاستغربت وسألته حاجة إيه؟.
أخبر الزوج زوجته أنهما سينفصلان ثم يتزوجان عرفيا من أجل الحصول على معاش، لكن حديث الزوج نزل على زوجته كالصاعقة وأخبرته بأنه رجل البيت وهو المسؤول عن الإنفاق عليهم، لكنها رفضت وعندما أصر توجهت وأقامت الدعوى.
