بملعقة واحدة.. 6 فوائد للعسل تحدث في جسمك لن تصدقيها.. ما هي؟
"زوجي بخيل وبيجبرني أكلم رجالة".. شيماء ترفع دعوي نفقة ضد زوجها
الأربعاء 11/سبتمبر/2024 - 06:56 م
سارة شعبان
أقدمت ربة منزل تدعي شيماء على رفع دعوى نفقة ضد زوجها بمحكمة الأسرة، بعد زواج دام لسنوات أنجبت خلاله 3 أولاد، بسبب بخل زوجها وإجبارها على الحديث مع أشخاص آخرين، قائلة: زوجي بخيل وبيجبرني أكلم رجالة عشان يحولولي فلوس.
اقرأ أيضا:
خانها مع صديقتها.. سيدة تبكي في محكمة الأسرة وتطلب الخلع بعد سنتين من زواجها
وقالت شيماء: "كنت بتكلم في جروب بيجمع رجالة وستات على أحد البرامج وكنا بنرغي مع بعض وكل واحد بيقول مشكلته مع زوجته أو زوجها، وكنت بحكيلهم إن زوجي بخيل عليا ووحش معايا وكانوا بيبعتولي عملات كنت بحولها لفلوس واستلمها".
وتابعت شيماء: "بعد فترة جوزي شافني مجمعة فلوس كتير من الرجالة دي والبرنامج وبقيت ميسورة الحال فطلب مني إني أقعد على الأبليكيشن فترة أطول، وأكلم الناس أحكيلهم مشاكلي عشان يبعتولي فلوس أكتر مع العلم إن زوجي مرتاح ماديًا ولكنه بخيل".
وأشارت شيماء: "كنت في الفترة دي مبقتش عايزة أعمل أي حاجة حرام وعايزة أبطل الموضوع ده، ولكن كان بيجبرني إني افتح وأكلم الناس ومن هنا قررت أرفع دعوى نفقة وأبعد عنه".
