بقلم أنس الرشيد: حتى الفلسفة تموت
زوجة تطلب الطلاق من زوجها والسبب صادم
الإثنين 09/سبتمبر/2024 - 02:29 م
سارة شعبان
أقامت ربة منزل دعوى طلاق في محكمة الأسرة ضد زوجها بمحافظة أسيوط، بعد خلافات أسرية متكررة فيما بينهما، ورفض الزوج تطليقها، ما دفعها إلى اللجوء إلى محكمة الأسرة.
وعن قصة زواجهما، سردت نعمة صاحية 36 عاما، إنها متزوجة من ابن عمتها منذ 6 أعوام، مشيرةً إلى أن زوجها حريص على متابعة ومشاهدة مباريات كرة القدم أكثر من اهتمامه بها وبمشاكلها.
وتابعت نعمة: " أن جوزي أهلاوي متعصب، وبيحب الكورة ومهتم بيها أكتر مني ومن أي حاجة تانية، ومش بيفوت مباراة غير لما يتابعها، وعند مشاكلي مهملها ومهملني، وأنا مش في حسبانه نهائي، ولو البيت كان محتاج حاجه وفي مباراة شغالة استحالة ينزل يشتريها غير لما الماتش يخلص وكمان الاستوديو التحليلي بتاع المباراة".
وأضافت: "آخر مرة كانت في مباراة للأهلي وأنا كنت تعبانة ومحتاجة علاج من الصيدلية، ولما قولتله انزل اشتريه زعقلي وقالي لما الماتش يخلص، وما اهتمش إني تعبانه وبتوجع، لحد ما زهقت وحسيت إني مش في حسبانه وإن الكورة أهم مني، وكتير كانت بتحصل خناقات بينا عشان نفس السبب لحد ما زهقت وبقيت مش قادرة أتحمل العيشة معاه ولما طلبت منه الطلاق رفض".
ولم تجد الزوجة أمامها سوى ترك منزل الزوجية والإقامة في منزل أسرتها، ورفع دعوى طلاق للضرر الواقع عليها منه.
