أرسلت فتاة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. م" عمرى39 سنة".

وأضافت فى رسالتها : انا متزوجه من 12 سنه عن حب مشكلتي ان زوجي شخصيته ضعيفه جدا سلبي جدا في كل المواقف اللي فى حياتنا ، ما بيقدرش ياخذ قرار صحيح ، دائما بيجي مع اهله دايما سايب حقه لاهله وما بيفكرش في حقنا ، ولا في حياتنا ولا بيفكر احنا عايزين ايه ولا محتاجين ايه اهم حاجه ما يزعلش اهله.

وتابعت: احنا اخر حاجه ممكن يفكر فيها بقى انسان عصبي ويكسر في البيت ويقطع كل حاجه يشوفها،  الولاد نفسيتهم تعبت ما بقوش عايزين يقعدوا في البيت عايزين يمشوا.

وواصلت السيدة مشكلتها : وانا مش عارفه اعمل ايه ظروفي ما تسمعش ان انا اخد الأولاد وان انا اقدر اصرف عليهم ونبعد ونسيب البيت في نفس الوقت ما اقدرش ان انا اسيبهم هنا ، لان هما اساسا مش عايزين يقعدوا هنا.

 وانا من جوايا مش طايقه ومش طايقه اشوف ملامحه حتى بس قاعده ، ومستحمله علشان خاطر الولاد بقاله فتره اقول يمكن يهدى ما فيش الكلام ده خالص ، والمشكله ان هو لازم يدخل اهله في حياتنا مامته في حياتنا ، مش عايز يفصل خالص، أقوله ابعدني عنهم علشان حياتنا تمشي هم في مكان واحنا في مكان لا لازم اهلي اهلي اهلي .

وإختتمت قائلة:  يعني المشاكل كلها اللي حصلت لنا بسبب أهله مشينا من البيت ،  بسبب أهله اخذوا حقه ونصيبه وهو ما تكلمش ، عايزه أقفل عليا بابى وأربي ولادي لا هو مش سامح ليه بكده ، مش عارفه اعمل ايه؟.

Doaa Fs
يا ريت كل ست مدخليش نفسك بين زوجك واخواته، هما فى الأول والا اخر اخوات ومفيش اقرب من الاخ لاخوه.

فكية غالي
خليكي في حالك وهو يزور اهلة في بتهم ،وكبري دماغك من المشاكل.

احمد شوقي
يبقي للاسف انتي لازم تقومي بدور الراجل والست
شوفي حد كبير في البلد الي ساكنه فيها يجيب حق ولادك
لان ربنا هيحاسب زوجك علي تقصيره.