إيناس الدغيدي: «مش ذنبي إني جريئة والحرام مش التارجت بتاعي»

وقالت إيناس الدغيدي في تصريحات تلفزيونية: "مفكرتش في الحرام كتير، ومش حطاه التارجت بتاع حياتي، لأني لو فكرت وقلت حرام حرام، مكنتش عملت أي حاجة في حياتي".

اقرأ أيضا.. 

وأضافت إيناس : "الناس شايفني عملت الحرام أكبر بكتير من اللي أنا عملته لأن أفكاري وجرأتي أدت انطباع غير شخصيتي الطبيعية خالص، لكن أنا مش بشرب خمرة ولا سجاير وعلاقاتي مظبوطة ومناسبني سنًا وعقلًا". 

وتابعت إيناس الدغيدي: "مش بعمل علاقة من تحت الترابيزة، وممكن أدخل علاقة الناس تشوفها حرام لكن أنا بشوفها عادية طالما فيها صدق وحب واهتمام، وما بحاسبش روحي بالحلال والحرام، وأفكاري الجريئة ظلمتني زمان وقدرتني النهارده لأن اللي بيتعمل أكتر بكتير من اللي قلته". 

إيناس الدغيدي: مختارتش أكون جريئة 

وقالت إيناس الدغيدي عن تلقيبها بالجريئة: "مختارتش أكون جريئة، أنا فعلا جريئة وحياتي كلها فيها جرأة وأنا مكنتش متخيلة إني جريئة، وبتصرف عادي ولكني طلعت جريئة، ولما دخلت الفن ومعهد السينما كان بالنسبة لي لحظة جرأة لأننا من عيلة ملهاش علاقة بالفن، وعيلة ملتزمة دينيًا ووالدي كان مدرس لغة عربية ودين". 

وأضافت إيناس الدغيدي: "أنا مش عارفة يعني إيه التحرش، التحرش السبب فيه الست، بحمل الست المسئولية لما أقول أنا حد اتحرش بيا هيتحرش بيا ليه؟ لو هو مريض هياخد بالقلم ومش هيكمل، في ستات بيلعبوا لعبة ويقولوا تحرش أنا مش مع أن التحرش بيجي من الراجل الست في جزء من تصرفاتها تخلي الراجل يتحرش بيها".

موقفها من أن تصبح زوجة ثانية

وفي وقت سابق حلت المخرجة إيناس الدغيدي ضيفة ببرنامج "أسرار" المذاع عبر فضائية "النهار" ومن تقديم الإعلامية أميرة بدر، حيث كشفت تطورات بالعرافة ليلى عبد اللطيف، كما كشفت موقفها من أن تصبح زوجة ثانية، أو زوجة لرجل يختلف معها في الفكر، ونوع الرجال التي لا تحب أن يكون في حياتها، بالإضافة إلى موقفها من الحسد. 

وكشفت المخرجة إيناس الدغيدي موقفها من أن تصبح زوجة ثانية في برنامج "أسرار" عبر فضائية "النهار": "مش هقبل أنه يطبطب عليا وفي نفس الوقت في حد جنبه، وضحكت من كده لما اتعرض إني أكون كده في حياته، وهو صاحب سلطة وميعرفش إني بحبه، ومتجوز كمان وعادي أكون حبيبته، وهو صديقي ورجل محترم جدا، ورجل له قيمة كبيرة على فكرة، وبيشتغل في الخير".