فن وثقافة

إيناس الدغيدي تثير الجدل: «عيشت المساكنة قبل زواجي»

السبت 31/أغسطس/2024 - 02:16 م

سلمى حسن

كشفت المخرجة إيناس الدغيدي خلال لقائها في برنامج "القرار" من تقديم نادية الزعبي عبر قناة "الغد" أنها مرت بتجربة المساكنة قائلة: "عشت المساكنة مع جوزي قبل ما أتجوزه قعدت 9 سنين بحبه، مش فاكرة عيشت المساكنة كام سنة لأن الموضوع من زمان" وأكدت إيناس الدغيدي أنها لم تخض تجربة الزواج العرفي من قبل.

وأضافت إيناس الدغيدي: "أنا مش عارفة يعني إيه التحرش، التحرش السبب فيه الست، بحمل الست المسئولية لما أقول أنا حد اتحرش بيا هيتحرش بيا ليه؟ لو هو مريض هياخد بالقلم ومش هيكمل، في ستات بيلعبوا لعبة ويقولوا تحرش أنا مش مع أن التحرش بيجي من الراجل الست في جزء من تصرفاتها تخلي الراجل يتحرش بيها".

موقفها من أن تصبح زوجة ثانية

في وقت سابق حلت المخرجة إيناس الدغيدي ضيفة ببرنامج "أسرار" المذاع عبر فضائية "النهار" ومن تقديم الإعلامية أميرة بدر، حيث كشفت تطورات بالعرافة ليلى عبد اللطيف، كما كشفت موقفها من أن تصبح زوجة ثانية، أو زوجة لرجل يختلف معها في الفكر، ونوع الرجال التي لا تحب أن يكون في حياتها، بالإضافة إلى موقفها من الحسد.

اقرأ ايضا|

صبا مبارك في مقدمة الدراما.. وتجسد دور طبيبة فى مسلسل «وتر حساس»

إيناس الدغيدي والزوجة الثانية

وكشفت المخرجة إيناس الدغيدي موقفها من أن تصبح زوجة ثانية في برنامج "أسرار" عبر فضائية "النهار": "مش هقبل أنه يطبطب عليا وفي نفس الوقت في حد جنبه، وضحكت من كده لما اتعرض إني أكون كده في حياته، وهو صاحب سلطة وميعرفش إني بحبه، ومتجوز كمان وعادي أكون حبيبته، وهو صديقي ورجل محترم جدا، ورجل له قيمة كبيرة على فكرة، وبيشتغل في الخير".

كما كشفت المخرجة إيناس الدغيدي في حلقة برنامج "أسرار" المذاع عبر فضائية "النهار" موقفها من الحسد: "لا أومن بالحسد، معنديش حسد، بيقولولي محسودة وطلتك وظهورك وكده إني محسودة، أنا بحب أشوف الفنجان والكلام ده فواحدة تقولي أنتي محسودة، والفنجان كل ٧ أو ٨ شهور أقرأه كده، لأني معتقدة اللى بسمعه في الفنجان أنا اللى بحققه".