أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. م" عمرى37 سنة".

 وأضافت فى رسالتها : انا متجوزة راجل متجوز ومخلفة منه بنت وبقالنا 7 سنين مع بعض بس مراته الأولي متعرفش بجوازنا ، ولا بوجود بنته والسنين دي كلها عايش معاها هي وطول الوقت سايبني لوحدي بيجيلي زيارات ممكن يوم او يومين في الاسبوع  ، وممكن يغيب عليا بالاسبوع والاسبوعين حسب ظروف بيته التاني وبيصرف علي مراته وعياله  كل فلوسه  ، ومقصر معايا انا وبنتي في كل حاجة.

 وتابعت : المهم انا تعبت من الوضع اللي انا عايشة فيه دلوقتي طلبت منه اكتر من مرة يصحح الأوضاع ويعيش معايا حياة طبيعية ويعدل بيني وبينها ، بس هو معندوش القدرة علي مواجهتها بحاجة زي دي وطلبت الطلاق كتير مش عايز يطلقني ولا عايز يسيبني  .

 وإختتمت قائلة: انا مش عارفة اعمل ايه اسيبه ولا اضغط علي نفسي ، وأكمل عشان خاطر الطفلة اللي بينا انا فعلا محتاجة النصيحة، لاني بقيت نفسيا متدمرة وكل حاجة في حياتي ملهاش لا طعم ولا معني ، وهو عايش حياته بشكل طبيعي جدا مع مراته الأولي وعياله ،حد يقولي المفروض اعمل ايه واسفة للاطاله .

انتى اللى اختارتي كده لنفسك تخطفيه من عياله ومراته. ..ربنا يجازيكى عن كده بقه ..
الزوجة التانية لو ماشية صح بتختار من الاول الجواز فالنور،  ويعرف مراته لان اكيد هى مقدرة أسبابه وموافقة عليها، لكن شغل الحرامية ده اللى عملتوه ماينفعش.

Seham ElSaed
انتى غلطانه فى حق نفسك اطلقى بلقانون وكفايه كده.

Mohamed Bahaa
ومفكرتيش في مراته اللي بقالها 7 سنين هتعمل ايه، وانتي الغلطانه مش هي خالص
ولما انتي عايزه تتجوزي اتجوزي حقك بس مش في السر ، وعلي علم مراته الاولى ده حق ربنا وحق الست الأولي يا طنط.