حلت الفنانة ميس حمدان ضيفة في برنامج "أسرار النجوم" التي تقدمة الإعلامية إنجي علي، المذاع عبر نجوم إف إم. 

أوضحت ميس حمدان موقفها من الارتباط ، وقالت: "فكرة شريك الحياة سبحان الله أحاسيسها متقلبة، أوقات أحس إني مشتاقة للفقرة دي، وعايزة أتدلع وأتخانق وأضربه ويشدني من شعري وأهبش فيه، وعايزة حنان وعايزة أتحب ويتقال لي كلام حلو، وأوقات زي دلوقتي عندي تبلد أحاسيس".

وتابعت: "أنا فاتحة الباب، لكن لما تبصي حواليكي قلائل جداً وشبه معدومة نشوف زوجين فعلا مرتاحين".

وقالت عن سبب قصر مدة الزيجات مقارنة بالسابق، أجابت : "في أسباب كتيرة، إحنا كأمة بعدنا عن ربنا كتير وأنا منهم، مش متمسكين وعايزين نكتفي بشخص واحد، وثانيا الإغراءات بقت عالية جدا، والسوشيال ميديا خلت مفيش حد راضي باللي عنده وكله عايز أحسن، والستات مش سايبة الرجالة في حالها ولا الرجالة سايبينهم، وكل واحد طول الوقت عايز حاجة جديدة تزغزغه".

وأضافت "الرجولة لا تتجزأ، والذكر حاجة والرجولة حاجة مختلفة، إنت عايزة الراجل المحترم الأخلاق اللي بيخاف ربنا، والسند الطموح اللي بيعرف يتصرف وياخد موقف، وأنا عايزة كل ده".

كما وتحدثت ميس حمدان عن صفة تكرهها في الرجل، قائلة: "لا أحب الرجل المتردد الذي لا يعترف بنقاط ضعفه وغير قادر على اتخاذ قرارات، هذا النوع يسقط من نظري بشكل كبير".

كشفت الفنانة ميس حمدان عن ندمها الشديد، على تقديمها وترويجها لأحد الإعلانات المتعلقة بالملابس الداخلية، وهو الذي عرضها لهجوم كبير حينها عبر منصات التواصل الاجتماعي.