قصة فتاة مع زواج الصالونات وعريس نصف الفرخة تثير الجدل

انتشر عبر مواقع التواصل الاجتماعي الشهيرة مقطع فيديو قصير لفتاة تحكي تجربتها مع زواج الصالونات، وفي الفيديو يظهر على الفتاة علامات الدهشة والتعجب بسبب ما حدث في تلك التجربة من قبل العريس. حيث تقول الفتاة عن تجربتها مع زواج الصالونات: "المعاد كان 7.. عدت 8 و9 و9 ونص متصلش ولا اعتذر ولا قال هتأخر ولا حاجة.. قالوا خلاص مش جاي وقعدوا براحتهم.. فجأة اتصلت الوسيطة وقالت أنهم وصلوا تحت البيت، جه والأهل خلوهم يقعدوا مع بعض يتكلموا ويتعرفوا.. بتحكي أن قبل ما يقولها حتى اسمه إيه، قال أنا عايز أسألك سؤال مهم.. فقالت له اتفضل، قال: لو انا كنت راجع من الشغل تعبان وأنتي عاملة نص فرخة.. هتتصرفي ازاي، قالت له هناكل عادي هديك الصدر واخد الورك، قال لها بس أنا بحب الورك.. قالت له ماشي هديك حتة من الدبوس". 

وأضافت الفتاة عبر مواقع التواصل الاجتماعي: "وشه اتقلب.. وقال لها مش دي الإجابة اللي كنت متوقعها.. أنا كنت فاكرك هتسيبي لي نص الفرخة كلها، قالت له ولما تاكل نص الفرخة.. أنا هاكل ايه؟ قال لها مش مهم.. المفروض تضحي أنا شغال وتعبان علشانكم علشان البيت والعيال. أنا افتكرتك هتبادري وتتنازلي، طيب انا هسألك سؤال تاني.. لو انا مسافر مأمورية يومين تلاتة اربعة.. هتاكلي إيه في غيابي؟ قالت له هاكل اللي هييجي على نفسي وأكله، وشه اتقلب تاني وقالها باستنكار، يعني هتعرفي تاكلي وأنا مش موجود؟؟ قالت له هاكل .. ماهو انا مش هعيش على الطاقة الشمسية". 

ثم اختتمت الفتاة تجربتها مع عريس زواج الصالونات: "قال لها أنا كنت فاكرك هتقولي إجابة غير كده.. هتقولي هاكل جبن زيتون حاجات من دي إنما ازاي هتجيلك نفس تاكلي وأنا مش موجود، وبعد كلام كتير قالت له يا باشمهندس أنت حد كويس بس خلي والدتك تعمل لك النص فرخة وكلها بالهنا والشفا، المشكلة أنها عايزة تعرف تعمل ايه.. هو طالب يقعد معاها تاني واهلها بيضغطوا عليها علشان عندها ٣٢ سنة". 

اقرأ أيضا.. 

وقد انهالت التعليقات على تجربة الفتاة مع زواج الصالونات عبر مواقع التواصل الاجتماعي، حيث كتبت فاطمة طلال: "ما يقفل التلاجة بالمفتاح وهو مسافر بالمرة ! وتعمل صيام متقطع وهو مسافر عشان تعجب!"، لترد أميرة محمود: "أنا لو مكانها اقعد معاه تاني واحطه في اختبارات عبيطة زي اللي بيعملها واقهره". 

بينما كتب أسامة حمدي: "ده يترفض من عالباب.. قليل الذوق ومش مِحترم مواعيده ولا فكرّ يعتذر حتى .. كمان داخل يتشرط عالبنت.. وهو في جواز واتفاق كده؟! .. بدل ما يتكلم عن نفسه ويسألها عن نفسها و يشوفوا دماغ بعض وطريقه تفكيرهم وحياتهم حتبقى ازاي.. عاوز يعمل فيها سي السيد من دلوقتي بدون مراعاة شعور البني آدمه اللي مسئولة منه مسئولية تامة. لا حول ولا قوة الا بالله العلي العظيم". 

اقرأ أيضا..