وأضافت فى رسالتها :  أنا متزوجه من 8 سنين ومعايا بنتين ، بصراحه زوجي قبل ما يشرب مخدرات كان كويس وبيشتغل وكانت الدنيا ماشيه والحمد لله .

 دلوقتي زوجي مدمن مخدرات أهلي ناس على قدهم مكفيين نفسهم بالعافيه في الغلاء ده  ، وهو اهلو متوفيين واخواته كل واحد في نفسه ماحدش بيشيل حد .

وتابعت : عاوزه اوديه مصحه يتعالج عشان بناتي وفي نفس الوقت ما عنديش امكانيات ، ولا اي مصدر دخل غير شغله هو شغال عامل على باب الله.

وواصلت السيدة مشكلتها :  مش عارفه أعمل ايه اكمل معاه ، ولا واشوف حد يساعدني وأدخله مصحه يتعالج ويبقى انسان جديد ولا انفصل عنه ، بس عندي مشكله لو انفصلت عنه ما عنديش اي مصدر دخل وعايشه فى  شقه ايجار انا وعياله ، مش عارفه اعيش منين واصرف ازاي وانا مريضه سكر وقلب، غير قادره على الشغل مش عارفه أعمل ايه او أروح لمين؟.

Ana Mahmoud
ربنا يفرج همك ، اقفي جنب جوزك وحاولي تخليه يبطل.

AtefSalah Eldeen
عامل علي باب الله وبيشرب مخدرات ؟ ده بلاء عظيم . . طريق الشيطان . . سكه ملهاش رجعه إلا أن يتغمده الله سبحانة وتعالي برحمتو الواسعة . . طب هوه عندو إستعداد أنو يدخل مصحه ويتعالج ؟ . . عندو رغبه حقيقيه أنو يرجع إنسان طبيعي ؟ وايه هوه نوع المخدر اللي بياخدو ؟ اسئله كنير مهمه كنت عايز اعرفها من حضرتك علشان أقولك علي الحل الأمثل لهذه المشكله . . سترك الله وفك كربك .

Moh Ammed
ربنا يفرج همك.

اقرأ أيضا..