حالة الطقس اليوم الجمعة 22-11-2024
الفنان كريم الحسيني يستغيث بـ«الأوقاف» بعد منعه من دخول مسجد
استغاث الفنان كريم الحسيني عبر حسابه على موقع تداول الصور والفيديوهات إنستجرام بدار الإفتاء المصرية بعد منعه من دخول أحد المساجد في المقطم.
كريم الحسيني يستغيث بالأوقاف
وقال الفنان كريم الحسيني: أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص، ولسه الناس بتخرج من المسجد، المسجد اسمه الشهيد أحمد حسن الجندي في المقطم، ولما أركن وأقول له عاوز أدخل أصلي العصر، يقول لي معلش إحنا قفلنا الجامع».
وتابع الفنان كريم الحسيني: قلت له بتتكلم جد ولا بتهزر قال لي بتكلم جد، قلت له طيب أنا مش جايلك في صلاة المغرب أنا جاي لك في صلاة العصر، ولسه الناس ماشية، بقوله اللي عاوز يصلي يعمل إيه، قال لي جملة في منتهى الكوميديا، قال لي يصلي في بيته».
وأضاف : «قلتله لوًأنا مكنتش في البيت وعايز أصلي يكون فين، قال لي أنا عبدالمأمور، يعني أطلع المصلية وأصلي هنا في الساحة موافق طيب هل ممكن أدخل أتوضى رفض، وقال آسف، قلت له طيب أتيمم ولا أدخل اتوضى في كافيه».
و اختتم: «هل إحنا وصلنا لهذه الدرجة، بتكلم بجد وسؤال لكل الناس هو احنا بنقفل الجوامع بعد الفريضة مباشرة، ده العصر مفتوح لغاية المغرب، هل ده يعقل، ردوا عليا يا أهل الخير».
آخر أعمال الفنان كريم الحسيني
جدير بالذكر أن آخر أعمال الفنان كريم الحسيني كان مسلسل ضرب نار الذي عرض في الموسم الرمضاني 2023 بطولة النجم أحمد العوضي والنجمة ياسمين عبد العزيز.
