أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. م" عمرى 23سنة".

 وأضافت فى رسالتها : انا متجوزه من شهرين بالظبط ،  من تاني يوم ليا قالي انتي محصلكيش ختان ف بقوله لا طبعاً  وليه بتسأل ، بيقولي معملتيهوش ليه قولتله طبعاً أن دي تخاريف واني مستحيل استحمل الوجع ده.

وتابعت:  قالي لا دي مش تخاريف دي نضافه وتجميل ، وانا مش قابل منظرك ده في وشي على طول ، مراعش اي حاجه بينا قولتله مفيش مشكله طلقني ، وروح للي تتقبل منظرها وقومت الم هدومي عشان امشي يقولي اسكتي هتفصحينا هتبقي مكلمتيش يومين فى بيت جوزك وترجعي وانا صممت امشي ضربني وقفل الباب.

وواصلت السيدة مشكلتها : ورن على امي وخلاها تيجي وحكلها كل حاجه ، وحرجني قدامها ويقولها مش عيب أن الواحد يبقا عايز يشوف مراته فى احسن صوره ، وانا باقي عليها وعادي بعد كدة تبقا تعمل التجميل ده عشان نبقا متقبلين بعض .

وانا بقيت ابوس ايد امي متروحش تقول لبابا ولخواتي عشان شكلي قدامهم ، وهي قالت وتقولي ده لازم يتحطله حد واحد كبير يقفله.

 وإختتمت قائلة :  وانا نفسيتي تعبانه ومحروجه اقابل ولا اتكلم مع حد وقلبي وجعني بجد أن أتكلم عليا كدا والعائله كلها عرفت ، بقالي شهر و٣ اسابيع ف بيت اهلي وحاسه اني مش طيقاه وعايزة أطلق وهما عايزين يحطوا حد ويحلو المشكله وانا مش قادره بجد.. أعمل أيه؟.

عاوزة اقولك حاجة الختان مش تجميل، ده بيتم بتر جزء من الاعضاء التناسلية، وهو عاوز كده عشان مش واثق فيكي لما يسيبك لوحدك ، لان ده بيموت الشهوة عند البنت وعشان كده كانوا بيعملوه زمان في القري وفيه ناس بتعمله لحد دلوقتي. عرفتي بقي انه مش تجميل 🙂.

الختان سنه عن النبي ، ونظافه وعفه من الحرام.

انتي اللي عملتي كده وانتي اللي كبرتي الدنيا ، كان المفروض تاخديه على قد عقله وهو لما قال لك بعدين نعمل تجميل كنتي قولتي  ماشي ولا قولتي امشي، ما فيش واحده بعد يومين من جوازها تقول انا ماشيه وكنتي اخذتيه بالراحه على قد عقله ماشي ، هو ما قالش حاجه اعتبري انتي اللي فضحتي الدنيا كنتي خديه بالراحه ، وقولي له ماشي بعدين نعمل وكده الدنيا تمشي .