روت سيدة مشكلتها عبر حساباتها على مواقع التواصل الاجتماعي مع زوجها، وطالبت بحل سريع لها، بعد وصل الأمر لمرحلة خطيرة بينهما.

وقالت السيدة عن مشكلتها: "كيف أجعل زوجي يستعيد ثقته بي زوجي أصبح عديم الثقه بسبب كلام قديم ولما حاولت اصلح الدنيا ربنا كان ليه حكمه زوجي اصلا كان زميلي في الجامعه بعد ما خلصت الجامعه اتقدم يخطبني وانا رفضت علشان مش نفس مستوانا الاجتماعي وبعدها اتجوزت مرتين وحصل طلاق ورينا رزقني ب٣ اولاد وبنت"

وأضافت: "بعد طلاقي من زوجي الاول اتقدم برضه ورفضته وبعد طلاقي من زوجي التاني اتقدم تالت مره والمره دي كنت هرفض برضه لكن اهلي نصحوني أنه أفضل فرصه ليا ولو مستواه الاجتماعي هو دلوقتي بقي كويس ماديا ويقدر يعيشك في نفس المستوي وهو ماسبق له جواز قبل كدا".

وتابعت: "اتجوزت وشرطت أن هنأجل موضوع الانجاب شويه ويكون بموافقتي وهو وافق بعدين جوزي الاول سافر وبعتلي الولدين يعيشو معايا وجوزي كان مرحب وقالي طالما هو ولادك هشليهم ع راسي ومقصرش معانا في اي حاجه لكن برضه ابوهم بيبعت مصاريفهم بعد ما عدي علي جوازنا ٣ سنين فاتحني في موضوع الخلفه وانا بصراحه كنت مش عاوزه اخلف تاني وبرضه خايفه اتطلق تاني يكون معايا ولد او بنت وانا اتعقدت اصلا بس لما كلمني حاولت اتحجج أن الولاد معانا وانا مش قادره اصلا عليهم".

وواصلت: "هو قالي أنا معاكي وهساعدك في اي حاجه لما لقيته مصمم وعاوز يخلف قولتله بصراحه انا مش عاوزه اخلف في المطلق وحاولت أفهمه بكل الطرق هو قالي عاوز ابن واحد وبعد كدا خلاص مش هطلب حاجه تانيه قولتله أننا اتفقنا ع الموضوع دا اول الجواز وانت وافقت ع شرطي قالي انتي مش عاوزه تخلفي مني قولتله لا مش كدا قالي أنا استنيتك كتير اوي ومتجوزتش علشان بحبك بس انت اتجوزتيني بس علشان أنا احسن الوحشين وكنت موافق وعارف كدا بس مش فارق معايا وقتها وحاولت كتير اخليكي تغيري رايك بس علي العموم أنا عندي اتفاقي معاكي لما انتي توافقي ع الخلفه".

وأكملت: "بعدها معاملته معايا رجعت زي اول الجواز مش ييطلب مني حاجه يعني ميقوليش اكوي قميصي أو عاوز اكل او يطلب اي طلب عادي زي اي راجل مع مراته لو انا عملت تمام معملتش يعمل هو وبالنسباله هو مش مقصر معايا وبقي مهزوز اوي وفاقد الثقه بطريقه مبالغ فيها قعدت معاه واتكلمت أني فكرت في كلامه ولازم فعلا يربطنا ابن لكن ربنا ما أردش".

حل المشكلة

وردت على المشكلة أخصائية علم النفس والتثقيف الصحي ميساء النحلاوي قائلة: "انعدام الحيوانات المنوية محبط للغاية لزوجك ، خاصة وأن لديك أطفال من زواجين سابقين ، فكري في وضعه وحاولي مساعدته باستشارة طبيب مختص فقد يكون هناك أسباب قابلة للعلاج مثل الانسداد أو الخلل الهرموني".

وأضافت: "من حق زوجك الذي عانى الكثير حتى قبلت به أن يكون لديه طفل منك ولا يكتفي بتربية أولادك فكوني داعمة له وتفهمي  مشاعره شجعيه على التعبير عن مشاعره بحرية وناقشي معه الخيارات المستقبلية . عبري له عن حبك وتمسكك به واكدي له أن أولادك بمثابة أولاده حتى تجدا حلا".