خلي بالك من صحتك.. 5 أضرار عند تناول السمن النباتي على الجسم
قبل نتيجة الثانوية العامة.. حكايات ساخرة تسيطر على رواد السوشيال ميديا
الأحد 04/أغسطس/2024 - 11:30 ص
سارة شعبان
تعد فترة قبل ظهور نتيجة الثانوية العامة من أكثر الفترات التي يمر فيها بعض الطالبات بالضغط والتوتر النفسي بشأن المجموع، لذلك يلجأ بعض الطالبات لمشاركة الكوميكس المضحكة والنكات من أجل تخفيف حدة الجو أثناء تلك الفترة.
ومن جانبها، قالت حبيبه محمد عبر جروب خاص بحكاوي البنات قائلة:« بمناسبة أن في بنات كتيرة قلقانه من ظهور النتيجة، أنا بعد ما نجحت في الثانوية العامة قلت لأبويا جبت 20 فى الكيمياء فرح مكنش يعرف انها من 50، وخرج من البيت وهو ياعيني فاكر أن بنته أحمد زويل».
وبينما أضافت دينا سمير:« أنا لما قولت لأهلى أن نجحت في الثانوية العامة، بابا من فرحته بعت جاب ليا ربع كيلو لب سورى شكرا يا حاج والله».
وتابعت مروة إسماعيل:« أنا جبت في الثانوية العامة 95.85% علمى رياضة، ابويا كان مفكرنى بكدب ولما عرف ان التنسيق
عالى السنادى كان على وشه ضحكة بانه مش مصدق انى ممكن اكون مهندسة لأنه كان عارف أن كل همي اتجوز الواد اللى بحبه».
أما بسنت أحمد أضافت : «أنا جبت 81.5 % ابويا قلى ربك الى اختارهالك وفرحو بيا جدا لانى كنت مش بذاكر غير اخر شهر بس واهو فى اداب بنها».
بينما قالت نرمين سعيد:«يوم النتيجه ماما كانت في شغل وبابا كان ف الأوضه فضلت أصرخ لما عرفتها لقيته طلع ياعيني عمال يعيط لم البيت كله علينا.. أنا كل اللي قاهرني أنه وعدني بهدايا كتير اوي وفي الاخر كرمش ليا 200 جنيه».
