أرسلت فتاة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. م" عمرى 23 سنة".

وأضافت فى رسالتها : « انا كنت هخرج مع خطيبي ، قالي وريني هتلبسي أية وريتة ،  أنا بصراحة معنديش طقم ملون الي هيا الألوان الي طالعة موضة،  فوشيا واورنج وازرق ومشجر ، معنديش أنا الكلام دا كل الي عندي أسود او أبيض او بمبا هادي او لون هادي ، عشان بصراحة مبحبش الألوان الي طالعة موضة دي هيا بتبقى حلوة على البنات فعلاً بس بحس مبتبقاش عليا حلوة فمش بحبها.

وتابعت:  المهم وريتة  ، قالي انتى ذوقك بيئة وبلدي أوي قلت له ازاي دا حاجات حلوة ( وهيا حاجات حلوة والله مش ستايل قديم بس هادية)  ، المهم بعت لي صورة اختة قالي بصي دي ولا كأنها بلوجر شايفة الشياكة والعربية الي وراها واللينسيز  ليه متبقيش كدا ، تعالي نخرج واجبلك لبس على ذوقي.

وواصلت الفتاة مشكلتها عبر مواقع التواصل الإجتماعي قائلة: انا اتضايقت و حسيت اني مش مناسبة لية بصراحة ، وقلت له مش عايزة اخرج  قالي ليه بس قلت له مش عايزة ،  انا فعلاً مش شبهه ومش مناسبة ليه هوا شيك جداً ، بس والله انا مش في دماغي اللبس ، وغير كدا انا مبحبش الألوان دي ومش عايزة يجبلي حاجه انا أبويا رباني على حاجه هوا عايز يكسر الحاجه دي لية ، أتعامل معاه إزاي ؟».

بستغرب لما شاب يكون فاهم اوى في لبس البنات لدرجة أنه بيقولك اجيبلك لبس على ذوقي ، هو لا مؤاخذة منسون للدرجة دي.

ماشاء الله عاجبني اسلوبك وتفكيرك، انتي فعلاً  ليكي شخصيه وليكي كراير، اوعي تغيريها عشان خاطر حد
الي عاوزك هيحبك زي ما انتي مش هيغيرك طالما مش حاجه غلط.

خلي بالك اللي قابل يشوفك بلبس ملفت وتلفتي النظر وانتي ماشية جمبه ده مش عنده نخوه ولا رجوله
ده مش شبهك ومش هتغيري طبعك ولا لبسك علشان تبقى زي أخته بلوجر
لا حول ولا قوة إلا بالله العلي العظيم
الناس بتدور على المحتشمه في زمن قل فيه الاحتشام والصالحات
وهو عايزها شبه البلوجر
اهربي يا بنتي اهربي بكل ما تعنيه الكلمه!
حسبي الله في الرجاله!