حل الفنان عمر كمال ضيفاً مع الإعلامية سالي عبد السلام وتحدث خلال لقائه عن الكثير من أسرار حياته الشخصية والفنية، ورأيه في الاستقرار والزواج إضافة إلى الخلفة.

‏وأدلي مطرب المهرجانات عمر كمال باعترافات وكواليس لأول مرة حول رحلة صعوده؛ بداية من نشأته في مدينة السويس ويكشف أسرار خلافاته مع منافسيه ومدى رضا والدته عن طبيعة عمله.

كشف مطرب المهرجانات عمر كمال، عن ذهابه إلى طبيب نفسي للعلاج بسبب علاقته بندى الكامل طليقة الفنان أحمد الفيشاوي.

وقال عمر كمال "كل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل".



وأضاف: "أنا مكنتش متزن نفسيا وقت علاقتي بندى الكامل طليقة الفنان أحمد الفيشاوي، وهي لما سمعت الكلام ده كان لها رد فعل غاضب طبعا".


وتابع عمر كمال: "أنا عايز أتجوز بس ميكونش عندي عيال، الخلفة مسؤولية تقيلة ووجع قلب ومش هاعرف أربي، لأني مش فاضي أربي ولا هكون أب حنين أوي وهبوظ الولد ومش هعرف أخد معاه موقف وعلشان كده لو اتجوزت مش عايز أخلف".

عمر كمال يعلق على ظهوره بسيارة فارهة



علق الفنان عمر كمال على الانتقادات التي وجهت له بسبب ظهوره بسيارة فارهة وذلك بمنشور عبر حسابه على موقع تداول الصور والفيديوهات إنستجرام وكتب: لما كنت شغال في بنزينة كنت بجمع الجنيه والاتنين جنيه التبس بتاعي عشان مكنش ليا قبض، وشغال بالتبس بس، ولما كان بيخش عليا عربية ماركات عالية مبقلوش أمه اللي جيبهاله وبقول الحمد لله، اشمعنا أنا؟
 
وأكد عمر كمال أن افضل وسيلة للانتقام هي النجاح معلقاً: أنجح عشان في قلوب عايزك تفرحها، وعيون لازم تكسرها، الحياة مش عايزه الضعيف ولا الشكاي ولا النداب، الحياة بتجري.. أنجح.