قرار البنك المركزي المصري الأخير لحسم أسعار الفائدة
سيدة حائرة: «إبني رافض فكرة زواجي نهائياً».. كيف أتعامل معه؟
الأحد 28/يوليه/2024 - 04:17 م
أية عدلى
وأضافت فى رسالتها : «إبنى رافض فكرة زواجى نهائياً ، وعلشان قبل كده عاهدته انى أقطع علاقتى بشخص هو عرف أن الشخص ده عاوز يتجوزنى وحصل بينا مشاكل والأمور بقت طبيعيه شويه.
وتابعت : لكن انا بصراحه مقدرتش أبعد عنه، وهو دلوقتى بيقولى انتى لا أمى ولا أعرفك واعتبرتك موتى.
وواصلت السيدة مشكلتها عبر مواقع التواصل الإجتماعي قائلة: قولتلو انت ازاى تكلمنى كده ، قولتلو هتجوز قالى إولعى انتى بالنسبالى انتهيتى .
واختتمت قائلة: انا بجد عاوزه أعرف هو صح فى الى بيقولوا ده ، وانا كده وحشه وظلمتو، انا استحملت سنين مع ابوة وربنا عالم مريت بايه وهو رافض يعيش مع ابوة ، وبيقولى هقعد فى بيتى ومليش دعوة بيكى كأنك مش موجوده.
إزاى أتعامل معاه ورأيكم أيه هل أسيب الشخص نهائى فعلاً؟ . بس والله انا محتاجه ونس ومحتاجه راجل فى حياتى والانسان ده على خلق ومعروف وسط الناس بأخلاقه بس انا بين نارين ولادى وهو».
وجاءت بعض التعليقات على هذه المشكلة كالآتى:
هويدا مشاعيل:
هتخسري ابنك للأسف ،لانه هو بيغير عليكي الراجل يتعوض لكن الأبن لا.
:Ana Hpibet Baba
الوضع صعب كنتي تلحقي تتجوزي وهو صغير، لي تستني لما يبقى شاب صعب تتجوزي وتسيبيه انتي كده بتكسريه يا إما ترجعي لأبوه.
زينب محمود:
ولادك أهم من مشاعرك هم حياتك عوضي فيهم كل مشاكلك هم أغلي حاجه في حياتك.
رحمتك يارب:
اتزوجي وعيشي حياتك ابنك اناني هيتزوج ، وهتبقي مراته عنده في اولويات حياته ، ولو سأل عنك هيبقي بالصدفه هيزعل شويه ، وبعدين مع الوقت هيعرف انه كان غلط وظلم انه يحكم عليكي كده.
