النشرة الجوية لليوم الخميس 19-9-2024.. وتحذير من الأرصاد الجوية
«زوجي طلقني وسرق فلوسي وبيهددني يأخد الأولاد».. ماذا أفعل؟
السبت 27/يوليه/2024 - 09:33 م
مشكلة سيدة عبر مواقع التواصل الاجتماعي
أية عدلى
أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. ه "عمرى 27 سنة".
وأضافت فى رسالتها : «أنا تعبت جوزى طلقنى ، وبيهددنى يأخد ولادي ، وأنا لوحدى أبويا مات ومعنديش رجاله ولا حد يوقف يجبلى حقى».
وتابعت : بقالى ٥ سنوات هم فى هم فى غم أخد ذهبى وسكت، أخد فلوسى ورث بابا وسكت، ضربنى وسكت.
وأنا بس صوتى عالى، كل لما يكلمنى يقولى صوتك عالى وانتى السبب، وامبارح جاب اخته الكبيرة وعيالها واتخانقوا معايا، وضربنى قدمها وقالتله طلقها واجوزك غيرها الصبح".
وواصلت السيدة مشكلتها عبر مواقع التواصل الاجتماعي قائلة: حسبي الله ونعم الوكيل عندها بنت يااااااارب اللى عملته فيا وتقوم جوزى عليا حرررام ، أنا تعبت أنا حساسة جدا، والدكتور قال لي أبعد عن الضغوط والمشاكل هو كل يوم غم".
واختتمت قائلة: أنا تعبت دلوقتى، أنا أعمل إيه أنا خايفة ولوحدى، وهو دمر حياتى وصحتى عينى من كثرة الدموع أصبح نظرى -2 أنا بموت ، ومن الهم والغم حاسة أن عندى ١٠٠ سنة ، أعمل إيه معاه انصحونى اعتبرونى اختكم ؟»..
اقرأ أيضا..
وجاءت بعض التعليقات على هذه المشكلة كالآتى:
بورسعيد بورسعيد:
ابعدي عنه وابتدي حياتك من جديد واشتغلي.
زواج المصريين والمصريات في أمريكا:
روحي التضامن الاجتماعي لو أنتي من القاهرة الوزارة في العجوزه... روحي المجلس القومي للمرأة عندهم محامين بالمجان... اعملي تمكين ونفقه واطلبي تمن دهبك وميراثك.
زين إبراهيم:
بصي أنا محامي ولو فيه اي حاجه حابه تعرفيها عن حضانة الاولاد أو حقوقك، اللي تقدري تاخديها وتحفظي بيها كرامتك وتخليه يتكلم معاكي بأسلوب كويس تواصلي معايا وإن شاء الله خير.
