أرسلت سيدة مشكلتها الى أحد مجموعات مواقع التواصل الاجتماعي حيث قالت: أنا اسمى" أ. ح" عمرى  27 سنة".

وأضافت فى رسالتها : « انا جوزي  اتجوز عليا بعد ما وقفت جنبه وساندته ، فبقيت بعض الأرض من الغيره والحزن ،هي كانت خطبته السابقه وحب عمره الي منعوه عنها ، وجوزها مات فرجع حن ليها واتجوزها مع اني اجمل منها واصغر منها بسبع سنوات، وانا كنت تعليم عالي وهي تعليم دبلوم فني ومكنتش مقصره معاه، وهو  راح اتجوزها بس انا قولتله روح لها بس تنساني خالص.

 

وتابعت عبر مواقع التواصل: كان يجي أعمل له كل حاجه الا العلاقه الشرعيه ، فهو اتجنن بمعني الكلمه انا قولتله كفايا عليك واحده مش ضروري اتنين ، ومش ده اختيارك اشرب، اقسم بالله بكي قدامي زي العيل الصغير ، وقالي انا هروح عشان اطلقها انا مش مرتاح معاها ، قولتله مليش دعوه مش دي مشاكل بينك وبينها مليش دعوه بيها تطلقها متطلقهاش مش يهمني خلاص.

وواصلت السيدة مشكلتها قائلة: هو لما قولتله كده راح جاب التليفون، وطلقها في التليفون وانا بردوا لسه في قلبي من نحيته كره لاني كنت بحبه جامد ، وهو كمان كان بيحبني.

 وتاني يوم جاه وقالي كانت نزوه وعرفت غلطي ، وبردوا انا علي موقفي ، وبعدها باسبوع لقيته جاي لي بشيك بنص مليون جنيه وماضي عليه، ولقيته جايب عقد للشقه وكاتبه باسمي ونص فدان كاتبه باسمي وكمان حته ارض مباني كتبها باسمي ، وقالي ده ضمان ليكي ان عمري مااتجوز عليكي تاني.

وتابعت : انا اه اخدت منه الورق بس مرجعتش معاه زي الاول،  واقسم بالله لو يجبلي مال الدنيا مايسوا ليله واحده كنت بعض علي ايدي من الغيظ لما افتكر انه اتجوز واحده تانيه غيري ، اي ست تفهم انا شعوري بس الكلام ده ميفهموش الرجاله للاسف.

 وإختتمت قائلة: انا دلوقتي حياتي معاه زي الزفت ،هو بيحاول يرضيني بكل الطرق بس انا مش عارفه بحاول بس والله مش بايدي خلاص اتغيرت منه فهل انا علي ذنب؟».

لو معاكى عيال منه سامحى علشان خاطر عيالك ، وخلى معاكى اوراقك واتأكدى منها انها مسجله وقانونيه
وسامحى لوجه الله وعلشان عيالك وربنا يهدى.

لا عمرگ هاتنسی لو جابلگ مال قارون انا بقول کده ،علشان جربت الاحساس المر ده لکن انا ما زلت اقولگ مهما تحاولی عمرگ ما هاترجعی زی الاول ولا هاشوفیه بنفس النظره الى کانت الاول وده اخر الکلام..

حاولى تنسى قبل ميزهق ويسيبك وانتى الى هتبقى خسرانه.