أرسلت سيدة مشكلتها الى أحد جروبات مواقع التواصل الاجتماعي النسائية حيث قالت: أنا اسمى" أ. م" عمرى  37سنة".

وأضافت فى رسالتها :  « انا متجوزه ومعايا بنت 6 شهور بقالي سنتين متجوزه جوزي متوسط الحال قاعده في شقته مامته، لأن شقته لسه ماخلصتش .

وتابعت : والدته ست كبيره وصعبه شويه بتفضل تتكلم عليا وتجيب في سيرتي لأي حد بتشوفه حتي اختي .

لو حصل حاجة بيني وبين زوجي بتنقل الكلام وبتزود ، المهم جوزي اتغير معايا جدا الفتره دي الكلمه الحلوه حتي مابيقولهاش بيجي متأخر ولما بيجي اتكلم معاه مابيردش كأنه مش سامع.

وتابعت:  طب انا اتكلم مع مين وانا ماليش حد غير ربنا بابا وماما متوفين ، و اخواتي صغيرين وعمي هو اللي جوزني للشخص ده وانا ماكنتش موافقه من الاساس ، جوزي مش بيعرفني غير لما يكون عايز يعمل علاقه .

ولوكنت تعبانه بيفضل يزعق ويزعلني ، و اخر مره خبطني في كتفي لدرجه اني ضهري اتنى  وطأطأ وفضلت اعيط ، وانا اللي شايله أمه وأخواته، مش عاجبهم يفضلوا يقولوا مراتك مش بتعمل ومزعله امك ، اتنازلت عن حاجات كتير منها اوضه ناقصه وفلوس ميكب ليا انا اللي جايبه فلوس الميكب وكل حاجه ليا المفروض أن العريس بيجيبها للعروسه عندنا في بلدنا ، وحتي مصروف شخصي مش بيديني من اول الجواز وقلت عادي ومابطلبش منه أي حاجه ليا عشان اوفر عليه حتي ماكنش عايز يجيب ليا اي لبس العيد ولما شافني بعيط على وضعي ده راح جايب علي اخر لحظه .

وواصلت السيدة مشكلتها قائلة: اللي كان مصبرني علي كل ده أنه بيحبني وبحبه بس الظاهر أن الحب كمان انتهي يمكن عشان ضمن وجودي.

 وإختتمت قائلة: قولولى أعمل ايه انا ماليش حد غير ربنا حتي صحاب ماعنديش، مش عارفه ليه كل الناس بتعاملني علي اساس اني قليله وماليش حد،  ليه ادفع ثمن حاجه انا ماليش ذنب فيها اني ماليش ام واب يدافعوا عني ، وحتي عمامي ماحدش فيهم بيسأل عليا وحصل لي كذا ظرف مابشوفش حد جمبي مع اني مابأذيش حد ولو، بكلمه ما بشكرش في نفسي بس انا فعلاً طيبه وقلبي ابيض ، تعبت من كتر التفكير مش عارفه انا اللي أوڤر ولا الموضوع يستاهل ، ساعدونى قولولي أعمل ايه، وادعولي ربنا يصلح الحال وشكرا واسفه على الإطالة».,,,

د. سيد المرصفاوى:
 
اصبرى ..الستات الكبيرة كلهم كده..ماتشكيش وابتسمى ولو مصطعنة.
متهدميش مستقبلك وبنتك عشان ست راحلة.
ويمكن لما شقته تخلص تستقلوا ويتعدل الحال.
نصيحة من أب..

لاحول ولاقوة الا بالله العلي العظيم كله الاقهر النفس
اللى مش راجل ومش قادر يحتوى أهل بيته، يتركها لمن هو ارجل منه يتجوزه اويحتويها.

ربنا يريح قلبك وبالك واستحملي تاني معليش حولي تكسبي جوزك كويس.

اقرأ أيضا..