أرسلت فتاة مشكلتها الى أحد الجروبات النسائية حيث قالت انا بنت أسمى" أ. م " عمرى  29 سنة .

قالت في رسالتها: «حبيت واحد زميلي في العمل لكن ليس في نفس فرع الشركة ولم أبين ذلك، ولا عمري كلمته وبقيت على هذا الحال لمدة عامين، أحبه دون أن أكشف ذلك، لدرجة أن كنت أدعي الله، أنه يتنقل إلى الفر الذي أعمل به، وترك العمل فترة، وتعبت نفسيا بسبب ذلك، واضطريت بعدها اوافق على خطوبة لكن قبلها وجد أني غير قادرة على الاستمرار في الخطوبة أو خداع هذا الشخص» .

 وأضافت: «وقعدت ادعي ربنا أنه يقربه ليا بأي شكل أو يساعدني إنساة فجاءة لقيته جه الشركه واشتغل تاني وفي نفس الفرع بتاعي حسيت وقتها أن ربنا سامعني وبيحبني .

بس بردوا عمري مبينت دا بالعكس كنت بتجاهله تماما علشان ميبنش عليا .

اقرأ أيضا..

المهم .. بعد فترة لقيته داخل يكلمني على  فلوس وكدة  قولت بقي معقول يارب تخليه يلجأ ليا انا فى اذمته، كنت بطنطط على السرير من الفرحه وبعيط ساعتها  وبقي يكلمني كل يوم . شويه واعترفلي بحبه، انا وقتها سجدت لربنا وشكرته وحسيت أنه بيراضيني، قالي أنه حابب يتقدم بس محتاج وقت .

وتابعت قائلة: وأنه عاوز يبدأ مشروع وواقف على  مبلغ  ونفسه المشروع دا يكمل علشان يجيلي . قلتله هساعدك،  وروحت أخدت قرض واستلفت من ناس علي أساس أنه هيسدد معايا . ووثقت فيه.. عاوزة اقول إنه مساعدنيش فى حاجه ودايما يتحجج بالظروف . وأنه هيعوضني .. لقيت اهتمامه قل .. ولما كنت بشتكي له  يقولي احنا كل يوم فى الشغل فى وش بعض .. قلت أكبر عقلي .. مدام هو بقي معايا خلاص .. بعدين بقي يتخانق معايا وحتي عيد ميلادي مهتمش بيه بكلمه حتي . وبقى يتخانق معايا على  اتفهه سبب.. والمفروض أننا متخاصمين .. قعد شهر ميكلمنيش وانا كرامتي بردوا وجعتني شويه . قلت كفايه ادلق عليه.

وقالت: « واستنيت يكلمني .. وصعبت عليا نفسي اني عرضت نفسي للسجن والذل والسلف علشانه وهو معقول مش مقدر دا».

وواصلت افتاة شكوتها قائلة: «اكتشف أنه راح وخطب واحدة .. انا عارفه أن ممكن إبان عبيطه وساذجه .. بس انا تعبانه اوي ومصدومه.. جالي حاله نفسيه مبقدرش اوقات اخد نفسي اعصابي بقت بتوجعني ..حاسه ان روحي ميته .. انا اتظلمت اوي.. واللي وجعني اكتر أن انا اللي عملت كدة فى نفسي .. بعيط على سجادة الصلاة بعد مكنت بدعي ربنا أنه يقربه ليا بقيت بدعي اني إنساة»

وتبعت:  والمشكلة أنه قدامي كل يوم فى الشغل .. وانا مش قادرة اسيب الشغل علشان الديون دي.. انا في بلاء كبير اوي . من جوايا كأن ميتلي ميت .. ذلني اوي .. ربنا بيقول هل جزاء الاحسان الا الاحسان.. وانا احسنت اليه .. بس بردوا ربنا بيقول منرميش نفسنا فى التهلكه ..ودا الدرس اللي اتعلمته .. بس انا مش عارفه اتخطي دا.. بروح الشغل وانا مذوله ومش عارفه اخد منه فلوسي ازاي أو ع الأقل يسدد اللي باقي .

هو كان ماضي فى القرض أنه ضامن.. هل فى حل؟ .. ولا لا.. ونفسي ادعولي.. عارفه اني غلط .. بس مرايت الحب عاميه زي مابيقولو ... وان المفروض افترض سوء النيه بالناس . بس بجد قلبي موجوع وقهرانه اوي . ومش عارفة أعمل أيه .